الاختبارات و الاوراق المطلوبه

الاوراق والبيانات المطلوبه لجميع الكليات والمعاهد العسكريه والشرطه

للتقديم في كلية الحربيه وكليه الشرطه

أهم الأوراق المطلوبة:
    1. بطاقة سارية أي غير منتهية حتى تتمكن من سحب الملف، صورة بطاقتك وصورة بطاقة الوالد والوالدة وتكون سارية.
    2. شهادة ميلاد جديدة مميكنة, يتم الإستخراج من السجل المدني.
    3. أصل المؤهل, شهادة الثانوية العامة وفي حالة فقدانها يتم إستخراجها من الأدارة التعليمية.
    4. صورة رسمية من أصل مؤهل الوالد والوالدة: إذا كانو خريجي جامعات أو معاهد يتم إستخراج شهادة التخرج من المعهد أو الكلية, وفي حالة حصولهم على دبلومات فنية أو تجارية يتم أستخراج الشهادة من مدرسة الوالد والوالدة, وفي حالة عدم حصولهم على مؤهل فلا يتم تقديم أي شيء.
    5. إذا كان الوالد موظف حكومي يتم أخذ الورقة الخاصة من الملف وختمها بختم مكان عمل الوالد, وفي حالة الأعمال الحرة يتم إستخراج سجل تجاري للوالد من السجل التجاري التابع له, وصورة من البطاقة الضريبية الخاصة بالوالد وفي حالة عدم وجودها يتم إستخراجها من مصلحة الضرائب التابع لها, وبالنسبة للوالدة إذا كانت لا تعمل فلا يتم تقديم أي شيء, وفي حالة عملها ينطبق عليها ما تم ذكره بخصوص الوالد, وأذا كان أحدهما على المعاش أو الإثنين يتم تقديم سرك المعاش ويتم إستخراجه من جهة العمل السابقة.
    6. في حالة وفاة الوالد يتم تقديم قرار الوصاية أذا كان المتقدم قاسر, ويتم الإستخراج من المحكمة.
    7. في حالة وجود أي ممتلكات أو أراضي أو ممدخرات, أو أرصدة في البنوك, يتم وضع صور ما يثبت ملكيتك أو ملكية أهلك للممتلكات المذكورة ويتم تدبيسها في الورقة المتعلقة بذلك في الملف, سمعتك يالي بتقول: آه عشان يشوفو مين الغني وياخدوه, لا خالص, الموضوع وما فيه إنه عايز يعرف أنت عندك ايه قبل متدخل الكلية عشان لما تتخرج وتشتغل ويلاقوك مثلا جايب عربية وشقة وحاجات غالية وأصلا مرتبك ميسمحلكش بإنك تشتري حاجة زي دي, فهو بيجيبك وبيحقق معاك إعمالا بمبدئ من أين لك هذا؟ أنت كنت داخل معكش حاجة حتى لو معاك فالي معاك ميسمحلكش إنك تشتري ده كل.
    8. في حالة التقديم في كلية الشرطة هتتصور صور٤*٦ بخلفية بيضاء وتكون حالق شعرك ودقنك.وفي حالة التقديم للكليات العسكرية كرت طولي للوالدين بخلفية بيضاء, وفي حالة سفر أحدهم, أو الإنفصال كل منهم يتصور بشكل منفرد بس بردو كرت طولي بخلفية بيضة وتاخد الصورتين دول وتدبسهم في الورقة المتعلقة بالأمر ده, وفي حالة وفاة أحدهم, أذا كانت هناك صورة قديمة متوفرة لاكن كرت طولي تاخدها, ولو مفيش يتم كتابة السبب على ضهر الصورة المتوفرة.
    9. ركزو معايا في الأوراق الجاية دي, ولو تعرف تطلعهم اليومين دول يبقى كويس, القيد العائلي للأب, طريقة الإستخراج: صورة بطاقة الوالد والوالدة وصور بطاقات أخواتك ولو في حد من أخواتك معهوش بطاقة يبقى شهادة ميلاد, وقسيمة زواج الوالد. . القيد العائلي للجد من ناحية الأب, طريقة الإستخراج: صور بطاقات الجد والجدة وأعمامك وعماتك, وقسيمة زواج الجد والجدة, ولو ملقتش القسيمة روح دار المحفوظات, ولو جدك أو جدتك متوفيين هتاخد بدل صورة البطاقة شهادة الميلاد. القيد العائلي للجد من ناحية الأم, طريقة الإستخراج: صور بطاقات الجد, الجدة, خلانك وخالاتك, وقسيمة زواج الجد والجدة, وفي حالة عدم توافر القسيمة أو وفاة أحدهم يتم تطبيق ما تم ذكره أعلاه. طيب أنا عملت ده كله ومعايا كل الورق ده أروح فين عشان أطلع القيد؟ هتروح السجل المدني التابع ليك. طيب أنت ليه قولتلي أطلعهم اليومين دول؟ عشان لو قولت إنك هتعملهم بعد ما تسحب الملف ممكن الوقت ياخر معاك فبد اذن رجاله الاكاديميه تخلصو الحاجات ديه و تجمعوها اليومين دول قبل الاسبوع الجاي ما يجي علشان ممكن متلحقش, وده هيعود عليك بالسلب, فعلى ايه, أنت خلص كل القيود دلوقتي علشان كمان اسبوع ولا ١٠ ايام هتخلص و تطلع تروح تقدم ورقك علطول هتقولي القيود ليها وقت وهتنتهي, ماشي تنتهي بس بعد كدة لما هتعملها هتستلمها ونت واقف عشان أنت عملتها قبل كدة فالبيانات متسجلة على موقع وزارة الداخلية وكل الي هيعمله الموظف إنه هيطبع القيود بس.
  • قيد عائلي لجدين وللاب .. ( ليه صالحيه ٣ شهور بس ) طيب ف ناس ميته ومش عارف اطلع شهادات وفاه .. هتعمل تعزر عادي ف السجل.
  • شهاده ميلاد لحضرتك.
  • طلع بتاع ٣٠ صوره شخصيه كده ، هتحتجهم خلال فتره التقديم ف الاختبارات كلها ، الملف لوحده ٩ صور .
  • مفردات مرتب والي الأمر ، ولدك ع المعاش عادي جيب ورقه للمعاش ، ولدك أعمال حره جيب ورقه من الضرائب.
  • مؤهل الاب والام اصل وهما هيخدوا صور بس لازم الأصول تبقي موجوده.
  • اصل شهاده التخرج والثانوية العامه .
  • لازم تبقي معاك ورقه فيها بيانات كل من
    • ( الاب والام والأخوات)
    • (وزوجاتهم وابناهم وبناتهم)
    • (وعمام واخوال و العمات و الخالات)
    • (وزوجاتهم وابناهم وبناتهم)
    • (الجدين من نحيه الاب و الام )
  • مطلوب ( الاسم كام - رقم القومي - الوظيفه حتي او ع المعاش بالتفصيل المفصل - المؤهل - العنوان بالتفصيل المفصل -السن)
  • لو عندك املاك بتجبلك عائد صوره منها ، حتي لو عربيه لو خمسه جنيه فالبنك
  • لو بتشتغل انت /ي جيب مفردات مرتب.. ده للمتخصصين

الملف كان ب ٢٠٠ ج قسم عام
٢٧٠ ج قسم خاص متخصصين يعني

مش كل الكليات بتطلب ده اللي بيطلب المتخصصين بس :
  • تربيه رياضيه بنات وبنين
  • طب بشري
  • اسنان
  • حقوق بنين
  • تربيه نوعيه موسيقي بنات
  • خدمه اجتماعيه
  • اعلام
  • السن
  • آداب (علم نفس واجتماع )
  • تمريض
  • نظم ومعلومات ٤ سنين
  • التقدير جيد فاكثر ما عدي حقوق مقبول ( ذكور فقط ).
الاختبارات :
  • قدرات
  • طول ووزن
  • طبي
  • نفسي
  • سمات ١
  • سمات ٢
  • رياضي
  • طبي متقدم
  • هيئه

من أجمل المغامرات 🖤👩‍✈️.
اوعي تسيب حلمك خليك وراه 🖤.
انت تقدر 💪

كل الاوراق المطلوبة للتقديم واجيبها منين؟

اختبارات

اختبارات الكلية الحربية من اول يوم لاخر يوم

اختبارات كلية الشرطة من اول يوم لاخر يوم

اختبار اللياقة البدنية

الحقوق محفوظه المصدر

إدارة التجنيد والتعبئة